Get the App

【親子戶外膠悠遊】香港9大遊單車河去處

週末去邊好係天下父母每個星期嘅煩惱，想搵一個好玩又健康，安全又抵玩嘅活動真係唔容易。除咗行山之外，香港嘅單車徑都四通八達，去踩單車親親大自然都係一個好選擇。今日由香港共享單車品牌LocoBike為爹哋媽咪推薦「香港9大遊單車河路線」

踩單車最重要係部車！

Locobike係由香港人創立嘅共享單車品牌，致力推動「城市單車 綠色出行」理念到社區，提供方便快捷、收費低廉嘅單車自助租借服務。只需下載手機應用程式，就可隨時隨地喺唔同地方輕鬆解鎖，玩到邊泊到邊。

最近，LocoBike仲推出「一日通行證」優惠，只需HKD$39  (原價：HKD$59) 就可以踩足24小時，唔止比傳統單車鋪平一大截，仲唔洗限時限點還車，啱曬爹哋媽咪用。不過要提提大家，LocoBike不設小朋友單車，各位要自備小朋友嘅私家車。

 

LocoBike初次使用教學：https://bit.ly/3QE5scZ
各區路線傳送門
  1. 沙田區
  2. 大埔區
  3. 北區
  4. 西貢區
  5. 屯門區
  6. 元朗區
  7. 荃灣區

 

Divider

沙田區
【歷奇單車場 – -> 沙田圍】

路線：歷奇單車場 ＞ 圓洲角體育館 ＞ 沙角邨 ＞ 沙田圍站

合適年齡：4歲或以上小朋友

距離：2.5 公里；踩車時間：15分鐘；玩樂時間：～2.5小時

交通：石門站A出口，步行約5分鐘。

備註：歷奇單車場嘅單車徑有高低起伏，家長們要留意小朋友是否合適喺此場地踩單車，初學者可考慮到兒童單車場。

詳細路線：按此

歷奇單車場內有兩個小型單車場，一邊係兒童單車場，適合初學踩單車嘅小朋友練習使用，另一邊設有歷奇單車場，內設高低起伏嘅單車徑、迴旋處、地下行車線，同埋單車專用石春路段。家長們可以因應小朋友嘅年紀去番合適嘅單車場，玩完一陣再出發去下一站嘅圓洲角體育館！

圓洲角體育館內設有免費嘅兒童遊戲室，俾小朋友盡情奔跑、翻滾、攀爬同享用場內各式各樣嘅設施。去到沙角邨仲可以去懷舊大排檔食個 lunch 買埋餸。

如果踩完單車行埋街街都仲唔夠喉的話，不妨考慮踩埋去附近嘅曾大屋欣賞香港嘅客家圍村、供奉古巖淨苑嘅四面佛，最後仲可以拜埋車公先走人！

** 延伸路線
【歷奇單車場 – -> 沙田圍】

路線：曾大屋 ＞ 古巖淨苑 ＞ 車公廟 ＞ 大圍站

合適年齡：5歲或以上小朋友

距離：1.5 公里；踩車時間：5分鐘；玩樂時間：～1.5小時

交通：從沙田圍站步行約8分鐘。

詳細路線 ：按此

Divider

大埔區
【科學園 – -> 大埔海濱公園盡頭】

路線：科學園 ＞ 白石角海濱長廊 ＞ 大埔鐵路碼頭 ＞ 大埔海濱公園盡頭

合適年齡：6歲或以上小朋友

距離：6.3 公里；踩車時間：23分鐘；玩樂時間：～2.5小時

交通：科學園位於東鐵沿線，鄰近大學站及沙田站。到達大學站後，乘坐272K號巴士便可到達園區。從沙田站出發，請乘坐27號小巴。

詳細路線：按此

由大圍踩去大埔就好常見，但家庭日想輕輕鬆鬆踩單車食個Tea，就可以由科學園出發再踩去大埔海濱公園。路線沿途風景明媚，科學園有唔少海邊餐廳，可以比大人細路食個下午茶先出發，相信大人同小朋友都會玩得好開心！去到大埔海濱公園仲可以野餐、放風箏、鈞魚、睇日落，足夠玩曬全日。

Divider

北區
【清河邨 – -> 大水管】

路線：清河邨 ＞ 雙魚河休憩處 ＞ 大水管

合適年齡：6歲或以上小朋友

距離：3.7公里；踩車時間：22分鐘；玩樂時間：～1小時

交通：巴士有273B/277E/502/76K/978/W3；或從上水站A1出口步行至上水珊瑚樓開始踩車 

備註：沿彩蒲苑外單車徑踩，過埋馬路同隧道後，會有較多重型車輛行駛，記得要小心睇車先好過馬路。

詳細路線：按此

大水管一直係文青、鐵路迷人氣打卡熱點，係鐵路迷小朋友一定會愛上嘅地方。路線大部分時間都會欣賞到梧桐河景色，到達大水管附近位置後，遠望仲可以見到羅湖城市嘅景觀。

去完大水管後，仲想去其他景點，就可以去有「雀鳥天堂」之稱嘅塱原濕地！塱原除左係觀鳥勝地之外，亦有唔少農田、淺水池、稻米田、魚塘、沼澤等，係俾小朋友親親戶外大自然嘅不二之選。路程中仲可以去食有名嘅豆腐花做下午茶。

 

** 延伸路線

photo credit：@john.lam.photographic.channel 

【大水管 – -> 上水匯合中心 】

路線：大水管 ＞ 塱原濕地 ＞ 上水匯合中心

合適年齡：6歲或以上小朋友

距離：2.4 公里；踩車時間：15分鐘；玩樂時間：～1小時

詳細路線：按此

Divider

西貢區
【康城路迴旋處  – -> 香港單車館】

路線：康城路迴旋處 ＞ 海濱公園行人天橋 ＞ 調景嶺碼頭 ＞ 香港單車館

合適年齡：5歲或以上小朋友

距離：2.5 公里；踩車時間：12分鐘；玩樂時間：～2.5小時

交通：可乘車至康城站公共運輸交匯處，再步行至附近單車泊位出發。

詳細路線： 按此

沿住將軍澳南海濱長廊去到海濱公園行人天橋，可以喺橋上欣賞港島區嘅風景，又或者喺調景嶺碼睇人垂釣。去到香港單車館公園除咗可以踩單車，入面仲有兒童遊樂場、極限運動場、大型草坪，一家大細可以喺草坪野餐，或者去香港單車館内設嘅餐廳食午飯！

屯門區
【屯門站  – -> 三聖】

路線：屯門站 ＞ 后角天后廟、天后廟廣場 ＞ 三聖

合適年齡：5歲以上小朋友

行車距離：3 KM；行車時間：14分鐘；玩樂時間：～2小時

交通：屯門站B出口，步行約5分鐘至彩星工業大廈。

路線 – 文字版：按此 

YouTube片版：按此

「隱世」小漁村三聖除咗有后角天后廟、天后廟廣場，仲有唔少歷史古蹟，如炮台古蹟、麒麟石、三聖廟和三州媽廟等，可以帶小朋友遊覽歷史古蹟之後去三聖海鮮街，家長們就可以喺海鮮檔掃海鮮啦～ 食完再去附近嘅青山灣散散步都係個唔錯嘅選擇！

Divider

元朗區
【錦上路站  – -> 鳳翔路】

路線：錦上路站 ＞ 錦田 ＞ YOHO Midtown ＞ 鳳翔路

合適年齡：5歲以上小朋友

行車距離：2.8 KM；行車時間：12分鐘；玩樂時間：～1小時

交通：屯門站B出口，步行約5分鐘至彩星工業大廈。

備註：單車徑會經過一段平交道，記得留意輕鐵，同埋小心車轆涉入路軌坑道。

路線 – 文字版：按此

YouTube片版：按此 

路線滿滿鄉村小鎮風味，沿途有高山、小溪流，再到達YOHO Midtown嘅商場。洪水橋位置仲有好多地方值得欣賞，包括洪水橋排水道、丹桂村、洪水坑水塘等，有時間都可以同小朋友一齊去睇埋。

Divider

荃灣區
【灣景花園  – -> 灣景花園】

路線：灣景花園 ＞ 荃灣西站 ＞ 海濱花園 ＞ 荃灣西站 ＞ 灣景花園

合適年齡：5歲以上小朋友

行車距離：8.2 KM；行車時間：25分鐘；玩樂時間：～2小時

交通：巴士有 234X/34M/48X/53/96；或荃灣西站D出口開始踩車 (YouTube片 05:30 開始)

路線 – 文字版：按此

 YouTube片版：按此

單車徑位於荃灣海濱公園至灣景花園對出海旁位置，單車徑除咗有靚景同打卡位之外，亦鄰近港鐵荃灣西站同荃灣西公共運輸交匯處，交通非常方便！經過荃灣西站後沿途仲有唔少公眾休憩同康樂場地，包括荃灣公園、荃灣海濱公園，啱曬閒時消磨時間同俾小朋友開心奔跑。玩完亦可以去附近嘅商場食野同行街！